للكافيهات والمطاعم · عربي وإنجليزي
الزبون بيطلب من الترابيزة أو الكاونتر أو من بيته — والدليفري كمان. كل أوردر بيروح للقسم الصح على طول، وكل بيعة بتخصم خاماتها من المخزون، وكل ليلة بتشوف ربحك الحقيقي. حجوزات ودفع وموردين وحسابات ومرتبات فريقك — في أبلكيشن واحد، على التابلتات والموبايلات اللي عندك أصلًا.
14 يوم ببلاش · من غير كارت
بيشتغل إزاي
شوف رحلة أوردر واحد جوه الكافيه أو المطعم بتاعك — من غير تطبيق الزبون يسطّبه، ومن غير حاجة معقدة فريقك يتعلمها.
دليفري · متابعة لايف
العميل بيطلب من لينكك أو الـQR، ويحدد مكانه على الخريطة — أو يكتب العنوان — ويدفع أونلاين أو كاش عند الاستلام. فريقك بيشوف كل أوردر على شاشة الدليفري، يسلّمه للطيار ويطبع 3 إيصالات: للمطبخ وللطيار وللعميل. والطيار بيستخدم أبلكيشن Sufra Driver — الملاحة والاتصال و«اتسلّم واتدفع» — وموقعه بيفضل يتحدّث حتى والشاشة مقفولة، فتشوف كل الطيارين على خريطة واحدة والعميل بيتابع الأوردر وهو جاي.
ابدأ تجربتك ببلاش
جديد · المخزون والحسابات
حط ريسبي لكل صنف: كل بيعة بتخصم خاماتها من المخزون، وبتشوف تكلفة كل طبق. اطلب من الموردين، استلم في المخزون، ادفعلهم واعرف عليك كام. سجّل المصروفات والضريبة والخدمة. والحسابات بتتعمل لوحدها: الأرباح والخسائر والميزانية والكاش — كل يوم، من غير محاسب.
جديد · الفريق والمرتبات
رتّب شيفتات الأسبوع في كام ضغطة. والحضور بالموقع بيوضح مين اتأخر ومين مشي بدري ومين قعد زيادة ومين مجاش. الموظفين بيطلبوا إجازة أو سلفة من موبايلهم، وبيشوفوا شيفتاتهم ورصيد إجازاتهم وقسايم مرتبهم. وفي آخر الشهر المرتبات بتتحسب لوحدها — مرتب شهري أو يومية أو بالساعة، إضافي، خصومات، مكافآت وأقساط السلف — ولما تصرفها بتتسجل في حساباتك على طول.
قبل الزيارة
صفحة حجز شيك بتعرض المواعيد الفاضية على طول، بتأكيد أوتوماتيك أو موافقة يدوية.
اسحب ترابيزاتك لأماكنها مرة واحدة. الزباين بيختاروا ترابيزتهم من خريطة الصالة الحقيقية — أو إحنا بنختار لهم أحسن ترابيزة فاضية.
تأكيد الحجوزات والتذكير و«الأوردر بتاعك جاهز» على واتساب أو SMS، بلغة الزبون.
على الترابيزة
قعّد الزباين اللي جايين من غير حجز. الترابيزة بتتحجز على طول والاستبيان بيوصلهم برضه.
الزبون بيمسح QR الترابيزة، ويتفرّج على منيو بالصور والاختيارات، ويطلب على المطبخ على طول.
الزبون بيشوف كل اللي طلبه والإجمالي، ويطلب الحساب أو يدفعه من موبايله.
تيك أواي ودليفري ودفع
الزباين بيطلبوا بدري من صفحتك أو من QR الكاونتر، وبياخدوا رقم استلام ورسالة لما الأوردر يجهز.
العميل يحدد مكانه على الخريطة، وإنت تبعته مع طيار، وهو يتابعه لايف. 3 إيصالات، وكاش عند الاستلام أو دفع أونلاين.
الكروت وميزة والمحافظ من حسابك على باي موب، وتحويلات إنستاباي فريقك بيأكدها، أو كاش.
بعد الزيارة
كود QR على كل ترابيزة. تقييم بالنجوم ومؤشر NPS وتعليقات مربوطة بالترابيزة والزيارة.
الزباين بيوصلهم استبيان قصير أوتوماتيك، واللي مبسوطين منهم بنطلب منهم يقيّموك على Google.
الزيارات ومرات الغياب والوسوم والملاحظات لكل زبون. اعرف زباينك الدايمين.
إدارة المكان
المطبخ والبار والحلويات والشيشة: كل قسم بيشوف تذاكره بس، على شاشة أو طابعة 80 مم — أو الاتنين.
فريقك بيسجّل حضور وانصراف من موبايلاتهم — ومش بيتقبل غير من جوه الفرع.
ارفع المنيو كله والخامات من ملفات إكسل، وحدّث الأسعار مرة واحدة، واطبع أكواد كل الترابيزات مرة واحدة.
رتّب الأسبوع في كام ضغطة، وانسخ الأسبوع اللي فات بضغطة واحدة، وشوف مين اتأخر ومين مشي بدري ومين اشتغل زيادة ومين مجاش.
ملفات الموظفين ومستنداتهم، طلبات الإجازات والسلف من الموبايل، وكشف مرتبات شهري بقسايم بيتسجل في حساباتك.
كل أوردرات الترابيزات والتيك أواي والدليفري في قايمة واحدة تدوّر فيها: التفاصيل، الإيصالات، إلغاء أصناف أو استرداد.
الفلوس والمخزون
كل بيعة بتخصم خاماتها من المخزون. جرد وهالك وتحويل بين الفروع وتكلفة كل صنف.
اطلب من الموردين، استلم في المخزون، ادفعلهم وشوف عليك كام لكل واحد.
تقرير يومي وتقرير تقفيل، أرباح وخسائر، ميزانية، مصروفات، ضريبة وخدمة — والحسابات بتتعمل لوحدها.
رجّع أوردر كامل أو صنف واحد من 3. بيرجع للمخزون أو يتحسب هالك، بإيصال استرداد وموافقة المدير لو فوق الحد اللي تحدده.
الأكتر مبيعًا وهامش الربح، أوقات الزحمة، الموظفين والطيارين وطرق الدفع، المرتجعات والهالك — لأي فترة وأي فرع، مطبوعة أو إكسل.
الزبون بيدخل برقم موبايله ويكون له رصيد مدفوع مقدمًا عندك — بيشحنه أونلاين أو من الكاشير، وبعروض بونص من عندك — ويدفع بيه أي أوردر.
فريقك بيدوس على زراير كبيرة بدل ما يملا فورم: يقعّد زبون من غير حجز، ينقل أوردر من «جديد» لـ «جاهز»، يبعته للقسم الصح، ويحصّل الفلوس.
كل باقة بتبدأ بفترة تجريبية ببلاش.
البداية
750 EGP/شهر
لكافيه واحد لسه بيبدأ.
احترافي
1,500 EGP/شهر
للمطاعم الزحمة اللي معتمدة على الحجوزات.
الأعمال
2,500 EGP/شهر
للمجموعات اللي ليها كذا فرع ودومين خاص.
لأ. كل حاجة بتفتح في متصفح الموبايل من كود الـQR، والزبون يقدر يضيف صفحتك لشاشة موبايله لو حب.
أي تابلت أو موبايل أو كمبيوتر فيه متصفح. وضيّف طابعة 80 مم لتذاكر المطبخ أو الإيصالات لو عايز ورق.
أيوه. إنت بتختار أقسامك — المطبخ والبار والحلويات والشيشة — وكل قسم ليه شاشته أو طابعته.
بالكارت أو المحفظة من حساب باي موب بتاعك، أو بإنستاباي مع صورة تحويل فريقك بيأكدها، أو كاش. وإنت اللي تقرر: الدفع قبل الأوردر أو بعده.
أيوه. العميل بيطلب من لينك الدليفري أو الـQR ويحدد مكانه على الخريطة. إنت بتحدد رسوم التوصيل وأقل طلب ولحد فين بتوصّل، والطيار ليه شاشة فيها الملاحة، والعميل بيتابع الأوردر لايف.
أيوه. الريسبي بيخصم الخامات من المخزون مع كل بيعة، والمشتريات والموردين والمصروفات والضريبة والخدمة بيتسجلوا في الحسابات لوحدهم، فبيطلعلك الأرباح والخسائر والميزانية من غير ما تعمل أي حسابات.
أيوه. رتّب الشيفتات، وافق على الإجازات والسلف، والحضور بالموقع بيدخل في كشف مرتبات شهري بقسايم — مرتب شهري أو يومية أو بالساعة، وإضافي وخصومات. ولما تصرفه بيتسجل في حساباتك.
أيوه. الزبون بيدخل برقم موبايله ويشحن رصيد أونلاين أو من الكاشير — وتقدر تعمل عروض زي «ادفع 500 وخد 550» — وبعدين يدفع بيه أي أوردر. والمرتجعات كمان ممكن ترجع على رصيده.
لأ، شاشة الطيار شغالة من متصفح الموبايل. بس أبلكيشن Sufra Driver المجاني للأندرويد أحسن للمتابعة اللايف: بيفضل يبعت موقع الطيار والشاشة مقفولة أو وهو فاتح أبلكيشن تاني.
أيوه. ابعتلنا المنيو بتاعك (ولو ملف إكسل) وإحنا نضيف المنيو والترابيزات والفريق، وبعدين نشرح لفريقك الشغل ماشي إزاي.
جهّز المنيو والترابيزات والفريق في دقايق — أو ابعتلنا المنيو وإحنا نجهّزه لك. جرّبه ببلاش 14 يوم.
ابدأ تجربتك ببلاش